أنا ليا مكان فى الابدية واكليل مخصوص فى السما ليا... دي كانت الترنيمة المفضلة لعم قديس عجيب عم قديس هو التلميذ الكارز ذي ما قال ابونا سمعان -- الاخ فرحات سابقا ... خادم الرب اللى وافق بعد سنتين انه يجي المنطقة نزولا على الحاح عم  قديس اللى كان بيرافقه فى كل افتقاد لشعب المنطقة وكان خير معين له من اول يوم الجمعة   الاول من فبراير سنة 1974 بيت عم قديس عجيب كان البيت اللى الاخ فرحات بيرتاح فيه بعد عناء يوم طويل لغاية ما يقدر يقوم يروح بيته فى شبرا... ذي ما كان رب المجد يسوع المسيح بيرتاح فى بيت لعازر ...كان ابونا سمعان يصلي فى الخلاء مع عم قديس ويجيب 12 حجر ويطلب من الرب يسوع انه يرسل 12 تلميذ شركاء فى الخدمة... عم قديس كان بيحب الرب يسوع ووالده عم عجيب كان راجل طيب وتقي كان حافظ القداس كله ويسهر طول الليل يحفظ وكان برضه بيساعد لسنين طويل فى الخدمة يفتقد الناس وبيكلمهم عن السيد المسيح ... كان راجل امين كان ماسك دفتر جمع التبرعات اللى بدأ بجنيه واحد فقط ... وفى مرة ناس من خارج المنطقة اجانب اعطوه دولارات ... فاعم عجيب راح لابونا سمعان وقاله ده ورق اخضر ملهوش عازة ارميه؟! عم قديس ماكانش بيشرب سجاير ذي ما جه فى الفيلم لكن عم عجيب والده كان بيشرب وبطل... لكن تحكيلنا أم صفوت زوجة عم قديس انه لما صديقه المقرب اتوفى... زعل عليه وشرب سيجارة... ولما نام حلم ان تعبان لف على رقبته وابونا سمعان مسك التعبان وخلصه منه... فا فى الصبح على طول جري على ابونا واعترف وبطل خالص ومرجعلهاش ابدا... اما أم صفوت فهي امرأة فاضلة ... قديسة بمعنى الكلمة كانت بتحب الرب وكانت بتروح كنيسة الامير تادرس الشطبي فى العتبة قبل ما ابونا سمعان يجي للمنطقة وكان ليها اشتياقات كبيرة وكانت بتخدم فى افتقاد السيدات ولما ماما سعاد زوجة ابونا جت المنطقة هى كان معاها وكانت بتعمل برضه افتقاد وبترنم وصوتها جميل... ابونا سمعان لو عمل اى اجتماع فى الشارع يندهلها ترنم ... ... المزيد